गायक सुजन चापागाईं पहिलोपटक अष्ट्रेलियामा गुन्जिने भएका छन्।
उनी आफ्नो ब्यान्डसहित अष्ट्रेलियाको सांगीतिक यात्रामा निस्कने छन्। यो कार्यक्रम हो र होइन होला, रोटेपिङ इन्टरटेनमेन्ट र डिजे सुशिलले आयोजना गर्न लागेको हो। कार्यक्रमको प्रायोजक एस पिपुल ऐजुकेसन एन्ड भिसा सर्भिसेस रहेको छ।
युवा पुस्तामाझ लोकप्रिय भएकाले सुजनलाई अष्ट्रेलिया ल्याउन लागेको आयोजक रोशन भट्टराईले बताए।
पहिलोपटक अष्ट्रेलिया यात्रामा निस्कन लागेका सुजन चापागाईं उत्साहित छन्।
‘लामो समयदेखि अष्ट्रेलिया जाने योजना भए पनि अहिले आएर जुरेको छ। पहिलोपटक हामी अष्ट्रेलियाका विभिन्न सहरहरूमा कार्यक्रम गर्दैछौं। अष्ट्रेलियामा भएका नेपालीहरूसँग हाम्रो सांगीतिक भेटघाट राम्रो हुने विश्वास छ,’ उनले भने।
उनको पहिलो सांगीतिक कार्यक्रम अप्रिल १४ मा डार्बिनमा हुनेछ। त्यसपछि १७ मा मेलबर्न, १९ मा क्यानभरा, २४ मा ब्रिसबेन, २८ मा सिड्नी, २९ मा होबार्ट तासमनिया र अप्रिल ३० मा एडिलेटमा हुनेछ।
कार्यक्रमका लागि उनीहरू मंगलबार अष्ट्रेलिया जाँदैछन्। गायक सुजनका ‘भेटेर तिमीलाई, सम्झेर तिमीलाई, गाला पुक्क, घुमी घुमी’ लगायत गीत चर्चित छ।
