चलचित्र 'प्रेमगीत २' को गीत बिस्तारै बिस्तारै सार्बजनिक भएको छ।
जहाँ रारा तालको सौन्दर्य कैद छ। रक गायक रोहितजोन क्षेत्रीको स्वर, कम्पोज र शब्द समावेश गीतमा प्रदीप खड्का र अश्लेषा ठकुरी चित्रित छन् ।
प्रदीप र अश्लेषाको रसायन साटिएको गीतमा रोहितले रक र नेपाली फोक जानरा मिश्रण गरेका छन्। पुरुषोत्तम प्रधानले रारा ब्युटीलाई फ्रेमिङ गरेका छन् । साउन १३ गते रिलिज हुने सिनेमालाई रामशरण पाठकले निर्देशन र सन्तोष सेनले निर्माण गरेका हुन्।
ओम गुरुङ सहनिर्माता हुन्। यसअघि शीर्ष गीत रिलिज गरेको फिल्मको यो दोस्रो रिलिज गीत हो। आँशुसेन फिल्मसको ब्यानरमा प्रोजेक्ट बनेको हो ।
यस गीतले मुगुमा रहेको रारा तालको पर्यटन विकासमा पनि सहयोग पुग्ने विश्वास निर्माता सेनले लिए। ‘हामी आफ्नै प्रकृति र लोकेसनलाई विश्वमाझ चिनाउन चाहन्छौं’ उनले भने, ‘यस गीतले हाम्रो सामाजिक दायित्वलाई पनि चित्रण गर्छ ।’
सन्तोष सेनले दीपेन्द्र सरकार नामक चलचित्र बनाउने घोषणा गरेका छन्। दरबार हत्याकाण्ड र दीपेन्द्र-देब्यानीबीचकाे प्रेम कथामा साे चलचित्र बनाउन लागिएको सेनले बताए।
https://www.youtube.com/watch?v=ylf6Tx7sI8I
