गुरु भट्टराईको गायकीमा आधुनिक गीती एल्बम ‘नमेटिएका रहरहरु’ सार्वजनिक भएको छ।एल्बममा ‘छन् छन् गर्छ उनको चुरा म सोच्छु मनको कुरा’, ‘किन गर्छौ शंका मलाई भएजस्तो गरी टाढा’, ‘तिमीबिना यो सहरमा साह्रै शून्य लाग्छ मलाई’, ‘बर्षौंदेखि सजाएका’ गरी चार आधुनिक र 'छन् गोडमेल बाँकी' बोलको स्वदेश गान समावेश छन्।
जिएस पौडेल, सुनील गिरी र उद्दिम राईको शब्दमा उद्दिम राईको एकल संगीत सुन्न सकिन्छ।
एकता म्युजिक प्रालीले बजारमा ल्याएको एल्बम भट्टराईको पहिलो हो। कामको सिलसिलामा विदेशमा रहेका भट्टराई पेसाले इन्जिनियर हुन्।
