दोस्रो खुम्बु खोल्स ग्लोबल नेपाली फिल्म अवार्डमा अभिनेता अनमोल केसी र अभिनेत्री केकी अधिकारीले उत्कृष्ट अभिनेता अभिनेत्रीको अवार्ड पाएका छन्। अनमोलले फिल्म 'गाजलु'बाट र केकी ले फिल्म 'लभ साशा'बाट उत्कृष्टको अवार्ड पाएका हुन्।
अवार्ड पाएपछि अभिनेता अनमोल केसीले अवार्ड आफ्नो वुवा भुवन केसीको हातमा राखिदिएका थिए।
यसैगरि अवार्डमा फिल्म 'छक्का पञ्जा' उत्कृष्ट फिल्म र उत्कृष्ट निर्देशकमा फिल्म'छक्का पञ्जा'बाटै दिपाश्री निरौलाले अवार्ड जितेकी छन्।
यसैगरि ‘बेष्ट को-एक्टर’को अवार्ड 'छक्का पन्जा'बाट जितु नेपालले पाएका छन्।
कार्यक्रममा वरिष्ठ कलाकार टीका पहारीलाई लाइफ टाइम एचिभमेन्ट अवार्डबाट सम्मानित गरिएको थियो। अभिनेता अर्जुनजंग शाही र सुवर्ण क्षेत्रीलाई एचिभमेन्ट अवार्डबाट सम्मानित गरिएको थियो । अवार्डमा शिव परियार, यम बराल, कलाकार कृष्ण मल्ल, मदु श्रेष्ठ, भुवन केसी, सुनिल थापा, अर्जुनजंग शाही, रवीन्द्र खड्का, टीका पहारी, अनमोल केसी, दीपाश्री निरौला, केकी अधिकारी, केदार घिमिरे ‘माग्नेबुढा’, जितु नेपाल ‘मुन्द्रे’ लगाएतका कलाकारहरूले सहभागीता जनाएका थिए।
