'बाहुबली' फिल्मबाट सर्वाधिक चर्चा बटुलेका प्रभाषको अगमी फिल्म 'साहो'ले उनको जन्मदिनमा सो फिल्मको निर्माण भिडियो सार्वजनिक गर्दै फिल्ममा रहने उनको अन्दाजलाई सार्वजनिक गरेको छ।
प्रभाष मंगलबारबाट ३९ वर्ष लागेका छन्। सार्वजनिक भिडियोले फिल्ममा हलिउड शैली र स्तरको एक्शन रहने देखाएको छ।
फिल्ममा प्रभाषसँगै श्रद्धा कपुर, निल नितिन मुकेश, जज्याकी श्राफ, मन्दिरा बेदी, महेश माझेंकर, चंकी पाण्डे आदिको अभिनय रहेको छ। फिल्मको तेलेगु तथा हिन्दीमा एकसाथ सुटिङ भइरहेको छ।
'बाहुबली'बाट प्राप्त क्रेजका कारण 'साहो' दर्शकका लागिप्रतिक्षित सिनेमा बनेको भारतिय संचारमाध्यमले बताएका छन्।
यस फिल्मलाई सर्वाधिक महँगो भारतिय फिल्ममध्येको एक मानिएको छ। फिल्म आगामी वर्ष इदमा रिलिज हुनेछ।
