हालसम्म बनेका भारतीय सिनेमामा सर्वाधिक महँगो मानिएको रजनीकान्त तथा अक्षय कुमार अभिनित साई-फाई एक्सन थ्रिलर '२.०'ले विश्वव्यापी रूपमा आफ्नो कमाइ सात सय दुई करोड भारू पुर्याएको छ।
सिनेमा रिलिज भएको ३१ औं दिनमा '२.०'ले यो कमाइ गर्न सफल भएको हो। यस सप्ताहन्तमा सिनेमाले वक्सअफिसमा नयाँ रेकर्ड राख्ने अनुमान गरिएको छ।
यो सिनेमा यस वर्ष विश्वव्यापीरूपमा ७०० करोड भारू कमाइ गर्ने ५३ सिनेमाको सूचिमा पर्ने भारतिय संचारमाध्यमले जनाएका छन्। सिनेमा करिब पाँच सय देखि छ सय करोड भारूको लागतमा बनेको हो।
यसैगरी सिनेमा छिट्टै चीनमा रिलिज हुँदैछ। चीनमा सिनेमा करिब ५६ हजार पर्दामा रिलिज हुने बताइएको छ।
सिनेमालाई शंकरले निर्देशन गरेका हुन्।
