बलिउडमा बोल्ड अभिनेत्रीको छवि बनाएकी कंगना रनावतले केहि मानिसहरूले उनको असफलता कुरिरहेको बताएकी छिन्।
'ग्याङ्स्टर, 'वि लम्हें' तथा 'फेसन' जस्ता सिनेमामा समस्याग्रस्त पात्र भूमिका निर्वाह गरेर चर्चा बटुलेकी कंगनाले 'क्वीन' जस्ता सिनेमामा महिला प्रधान भूमिकामा अभिनय गरेर थप उचाइ हासिल गरिन्। उनका पछिल्ला दुई सिनेमा 'सिमरन' तथा 'रंगुन' जस्ता सिनेमा असफल भए।
यसबाट उनको अभिनयको जादु कम भएको आलोचनालाई कंगनाले केहि मानिसहरूले आफ्नो असफलता कुरीरहेकाले यस्ता टिप्पणी भएको बताएकी छन्।
'म केहि मान्छे म कहिले असफल हूँला भनेर कुरिरहेको अनुभव गरिरहेको छु', कंगनाले भनिन्, ' केहि मान्छेलाई म केहि होइन भनेर देखाउनुछ। उनीहरूका लागि आफू राम्रो बन्ने भन्दा पनि म असफल भएको हेर्नु महत्वपूर्ण कुरा भएको छ।'
आफूलाई लागेको कुरा निर्धक्क राख्ने अभिनेत्रीको छवि बनाएकी कंगनाले केहि तह र तप्काले उनलाई निश्चित बिन्दुबाट हेर्ने गरेको भएपनि उनले भने सबै कुरालाई सकारात्मक हेर्ने गरेको र त्यसमा कुनै परिवर्तन नल्याउने बताउँछिन्।
' मैले अनुभव गरिरहेको छु। म कहिले उनीहरूजस्तो हुने र उनीहरूले सोचेजस्तै गरी सोच्न सक्दिन। म उनीहरूको कुटिलता बुझ्छु तर उनीहरू जस्तो हुन सक्दिन। व्यक्तिगतरूपमा मैले कहिले पनि कोही असफल होस् भनेर चाहेको छैन्। मलाई लाग्छ मैले जीवन गर्न सक्ने पनि यहि हो', कंगनाले बताइन्।
कंगना अभिनित, निर्मित तथा निर्देशित 'मणिकर्णिका' शुक्रबार रिलिज हुँदैछ।
