संजय लिला भंसालीले आफ्नो आगामी सिनेमा 'इंशाल्लाह'मा सलमान खान र आलिया भट्टलाई जोडी बनाउँदैछन्। दुबैको जोडी सिनेमामा बन्ने सार्वजनिक भएदेखि नै सिनेमाले राम्रो चर्चा बटुलिरहेको छ।
यस्तोमा यो सिनेमालाई लिएर नयाँ रोचक जानकारी सार्वजनिक भएको छ। नयाँ जानकारीका अनुसार सिनेमा सलमान अभिनित ९० को दशकको एक सुपरहिट सिनेमामा आधारित हुनेछ।
त्यो सिनेमाको नाम हो- जानम सम्झा करो।
सिनेमामा सलमान र उर्मिला मार्तोडकर प्रमुख भूमिकामा थिए।
सिनेमासँग सम्बन्धित सुत्रका अनुसार यस सिनेमामा भब्य सेट नभएपनि सुन्दर लोकेशनले सिनेमा भरिनेछ।
सार्वजनिक जानकारी अनुसार सिनेमामा सलमान ४० कटेका एक व्यवसायीको भूमिकामा देखिनेछन्। सिनेमामा उनी जीवनप्रति गम्भिर नभएका र लापरवाही गर्ने चरित्रमा देखिनेछन्। कथा अनुसार उनका पिताले उनलाई आफ्नो सम्पति दिन एउटा सर्त राख्छन् । त्यसका लागि उनी प्रेममा पर्नुपर्नेछ र आफ्नो जीवनशैली बदल्नुपर्नेछ।
त्यस्तै आलिया सिनेमामा एउटी महत्वाकाक्षीं अभिनेत्रीको भूमिकामा देखिनेछिन् जो सिनेमामा सलमानको बाबुलाई बेबकुफ बनाउन भेट्छिन्। यस्तोमा उनीहरू कसरी एकअर्को प्रेममा पर्छन् र उनीहरूको संसार कसरी जुध्छ भन्ने कथा सिनेमाले भन्ने जनाइएको छ।
यस्तै-यस्तै प्रकृतिको कथा सलमान अभिनित 'जानम सम्जा करों'मा छ।
'इंशाल्लाह' आगामी वर्ष इदमा रिलिज हुनेछ।
