शाहिद कपुरलाई जीवनकै पहिलो सोलो हिट दिलाएको सिनेमा 'कबीर सिंह'को वक्सअफिस कमाइ सय करोड नाघेको छ।
रिलिजको पाँचौ दिनमा सिनेमाले सो आँकडा पार गरेको हो। यो सिनेमा शाहिदको करियरको सर्वाधिक सुरूवाती कमाइ गर्ने सिनेमा हो।
सिनेमाले रिलिजको पहिलो दिन २०.२१ करोड भारूको कमाइ गरेको थियो भने दोश्रो दिन २२.७१ करोड भारू कमाएको थियो। यसैगरी तेश्रो दिन २७.९१ करोडको कमाइ गरेको सिनेमाले चौथो दिनमा १७.५४ करोड कमाइ गरेको थियो।
यस्तै पाँचौ दिनमा १६.५३ करोड कमाएपछि सिनेमाले सय करोडको आँकडा पार गरेको हो।
पाँचौ दिनसम्म सिनेमाको कुल कमाइ १०४.९० करोड भारू रहेको छ। यसवर्ष यो सिनेमा अघि रिलिज भएको सलमान खान अभिनित सिनेमाले रिलिजको चौथो दिनमा सय करोडको आँकडा पार गरेको थियो।
'कबीर सिहं' तेलेगु सिनेमा 'अर्जुन रेड्डू'को आधिकारिक हिन्दी रिमेक हो। सिनेमामा शाहिद कपुर र कियारा आडवाणी प्रमूख भूमिकामा रहेका छन्।
संदीप वांगा सिनेमाका निर्देशक हुन्।
