स्टेजमा प्रस्तुति दिदादिदैं एक भारतीय कलाकारको निधन भएको छ।
'स्ट्याण्डअप कमेडी'का लागि चर्चित मंजूनाथ नायडुको शुक्रबार दुबईमा प्रस्तुति दिने क्रममा हृदयघातका कारण निधन भएको हो।
प्रस्तुति दिदैं गर्दा अचानक ढलेका बेला उपस्थित दर्शकले त्यसलाई प्रस्तुतिको हिस्सा ठानेका थिए।
शोका बेलामा उनी आफ्नो परिवार र बाबुको बारेमा ठट्टा गरेर दर्शकलाई हँसाइरहेका थिए। यसैक्रममा उनले डिप्रेसनको बारेमा बताउन थाले र यस्तैमा उनी ढले। उनी ढलेपछि दर्शकले ठाने उनी प्रस्तुति दिदैं छन् तर उनको निधन भइसकेको थियो।
उनी ढलेपछि त्यहाँ पुगेको मेडिकल टोलीले उनलाई २० मिनेटसम्म उपचार गरे पनि होसमा फर्काउन सकेनन र उनलाई मृत घोषित गरे।
त्यतिबेला उनी स्टेज चढेको केवल एक मिनेटमात्र भएको थियो। सो समय उनको साथमा उनका मित्र एवम् कलाकार साथी मिदाद दोहादवाले पनि स्टेजमा सँगै थिए।
आबुधाबीमा जन्मेका मंजुनाथका बाबुआमाको उनी सानै छँदा निधन भएको थियो भने पारिवारिक सदस्यका रूपमा उनका एक भाइमात्र रहेको बताइन्छ।
