अगस्ट ३० मा रिलिज हुने एक्सन सिनेमा 'साहो' प्रति दर्शकहरूको व्यग्रता प्रतिदिन बढिरहेको छ। यसको असर सिनेमाका दुई मूख्य कलाकार प्रभास र श्रद्धा कपुरको रोमान्टिक पोस्टर सार्वजनिक हुने बित्तिकै पनि देखियो।
मंगलवार रिलिज भएलगत्तै पोस्टर सामाजिक संजालमा भाइरल भयो। मानिसहरूले यो जोडीको रोमान्टिक अन्दाज मनपराएको भारतीय मिडियाको दाबी छ।
हिन्दी, तमिल र तेलेगु भाषामा एकसाथ रिलिज हुने यस सिनेमा अभिनेता प्रभासको बाहुबली सिनेमा सिरिजपछिको पहिलो सिनेमा भएकाले पनि दर्शकहरूलाई सिनेमाको विशेष प्रतिक्षा छ। त्यसैले यसका हरेक कुरा रिलिज लगत्तै सामाजिक संजालमा चर्चित हुने गरेका छन्।
सिनेमाको टिजर रिलिजपछि यो झन बढेको छ। सिनेमाले हलिउड सिनेमाको स्वाद दिने अपेक्षा राखिएको छ।
८ मिनेट लामो एक्सन सिनका लागिमात्र ७० करोड भारू खर्च गरिएको भनिएको यो सिनेमा करिब ३ सय करोड भारूमा तयार भएको बताइन्छ।
