बलिउड अभिनेता अक्षय कुमार स्टारर 'मिसन मंगल' आगामी महिना अगस्ट १५ मा रिलिज हुँदैछ। केहि दिन अगाडी रिलिज भएको ट्रेलरले दर्शकहरूबाट राम्रो प्रतिक्रिया बटुलिरहेको छ। सिनेमाले वक्सफिसमा पनि राम्रो प्रदर्शनको अपेक्षा गरिएको छ।
यस्तैमा अक्षयले आफ्नो अर्को नयाँ सिनेमाको फस्ट लुक सार्वजनिक गरेका छन्। उनले 'बच्चन पाण्डे' नामक सिनेमाको शुक्रबार फस्ट लुक सार्वजनिक गरेका हुन्।
फस्टलुक पोस्टरसँगे अक्षयले सिनेमाको रिलिज मिति पनि तोकेका छन्। सिनेमा अर्को वर्षको क्रिसमसमा रिलिज हुनेछ। उनको यस घोषणाले आमिर खानसँग उनको वक्सअफिस भिडन्त पक्का भएको छ।
यहि मितिमा आमिर खानको 'लालसिहं चड्ढा' रिलिज हुने घोषणा भइसकेको छ। अब सो मितिमा अक्षयको दाबेदारीले बलिउड वक्सअफिसमा नयाँ रोमाञ्च थपिएको छ।
अक्षयको यस सिनेमालाई साजिद नाडियालवाले निर्माण गर्नेछन् भने निर्देशन फरहाद समजीले गर्नेछन्।
