अगस्ट महिनामा बलिउडका ठूला र व्यापार राम्रो गर्ने अपेक्षा गरिएका ठूला सिनेमा रिलिज हुँदैछन्। यस महिना विभिन्न विधाका सिनेमाहरू दर्शकले हेर्न पाउनेछन्।
यस महिना सिनेमाघरमा दर्शकका लागि एक्सन, प्रेम, अपराध तथा हास्यले भरिएका सिनेमाहरू आउँदैछन्। सिनेमाघरमा अक्षय कुमार, प्रभास, जोन अब्राहमदेखि लिएर सिद्धार्थ-परिणितीका सिनेमाहरू रिलिज हुँदैछन्।
यस महिनाको पहिलो रिलिजका रूपमा अगस्ट दुईमा सोनाक्षी सिन्हा स्टारर 'खानदानी शफाखाना' रिलिज हुनेछ भने दोश्रो शुक्रबार सिद्धार्थ तथा परिणीतीले जोडी बाँधेको 'जबरियां जोडी' रिलिज हुनेछ। सोनाक्षीको सिनेमा हास्यप्रधान हो भने 'जबरियां जोडी' प्रेमकथा।
यस्तै तेश्रो शुक्रबार १५ अगस्टमा जोन अब्राहम र अक्षयकुमारबीच वक्सअफिसमा भिडन्त हुनेछ। यस मितिमा अक्षयको 'मिसन मंगल' रिलिज हुँदैछ भने जोनको 'बाटला हाउस' रिलिज हुनेछ। यसै दिन नेटफ्लिक्समा 'सेक्रेड गेम्स'को दोश्रो सिजन पनि रिलिज हुँदैछ।
यसैगरी चौथो तथा अन्तिम शुक्रबार 'बाहुबली' फेम प्रभासको बहुप्रतिक्षित सिनेमा 'साहो' रिलिज हुनेछ। सिनेमामा प्रभास र श्रद्धा कपुरलाई एक्सन गर्दै गरेको देख्म सकिनेछ। 'सहो'का अलावा नीतेश तिवारीको निर्देशनमा बनेको 'छिछोरे' पनि रिलिज हुनेछ। यो एउटा रोमान्टिक सिनेमा हो।
यसरी हेर्दा अगस्ट महिना सिनेमाका विषय र विधाका हिसाबले विविधायुक्त रहेको छ। यस्तोमा दर्शकको रोजाइमा कस्ता र कुन सिनेमा पर्लान त्यो भने यी सिनेमा रिलिज भएपछि सतहमा आउनेछ।
.jpg)
