'बाहुबली' फेम प्रभासले श्रद्धा कपुरसँग जोडी बाँधेको 'साहो' अगस्ट ३० मा रिलिज हुँदैछ।
दर्शकहरू सिनेमालाई लिएर व्यग्र छन्। सिनेमाका रिलिज भएका पोस्टर, टिजर र गीतले दर्शकबाट राम्रो प्रतिक्रिया बटुलिरहेको छ।
यसअघि १५ अगस्टमा रिलिज हुने बताइएको भएपनि प्राविधिक काम नसकिएको भन्दै सिनेमा ३० अगस्टको नयाँ मितिमा सरेको थियो।
यस्तोमा सोहि मितिलाई रिलिज मिति घोषणा गरेका सिनेमाले आफ्नो रिलिज मिति पर सारेका छन्।
यसरी आफ्नो सिनेमाको लागि रिलिज सारेर सहयोग गर्ने निर्माता-निर्देशकलाई अभिनेता प्रभासले धन्यवाद दिएका छन्।
सो मितिमा 'साहो'की मूख्य अभिनेत्री श्रद्धा कपुर स्टारर 'छिछोरे' पनि रिलिज हुनेवाला थियो तर अब त्यसका निर्माताहरूले सिनेमाको रिलिजलाई सेप्टेम्बर ६ मा पुर्याएका छन्।
यस्तै सोही मितिमा रिलिज हुने भनिएको राजकुमार राव तथा मौनी राव स्टारर 'मेड इन चाइना'ले पनि आफ्नो रिलिज सारेको छ।
'साहो' करिब ३०० कोरड भारूमा तयार भएको सिनेमा हो। यस सिनेमामा ८ मिनेट लामो एक्सन सिनका लागि मात्र निर्माताहरूले ७० करोड भारू खर्च गरेको चर्चा छ।
सिनेमा एकसाथ तमिल, तेलेगु तथा हिन्दी भाषामा रिलिज हुनेछ।
