ऋतिक रोशन रोशन तथा टाइगर श्राफ स्टारर 'वार'सँग दक्षिण भारतीय सिनेमाका सुपरस्टार चिरञ्जीवीको भिडन्त हुने भएको छ।
मंगलबार 'सेरा नरसिम्हा रेड्डी' टिजर रिलिज गर्दै सिनेमाले रिलिज मिति तोकेपछि यो भिडन्त हुने भएको हो।
सिनेमामा चिरञ्जीवीका अलावा अमिताभ बच्चन, किचा सुदिप, जगपथी बाबु, विजय सेतुपत्थी,रवि किशन, तमन्ना, नयनतारा तथा निहारिकाको मूख्य अभिनय रहेको छ।
तेलेगु भाषामा निर्माण भएको सिनेमा हिन्दी डबमा पनि रिलिज हुने भएकाले 'वार'सँग यसको टक्कर हुने भएको हो। सोही मितिमा ऋतिक तथा टाइगर अभिनित 'वार' रिलिज हुँदैछ।
सिनेमालाई हिन्दीमा गत वर्ष 'केजिएफ' रिलिज गरेका फरहान अख्तर र रितेश सिध्वानीले वितरण गर्ने लागेका हुन्।
पछिल्लो समय दक्षिणभारतीय सिनेमाहरू बहुभाषामा रिलिज हुन थालेका छन् जसले ठूला भनिएका बलिउड सिनेमालाई राम्रो टक्कर दिइरहेका छन्।
गत वर्ष एकै मितिमा शाहरूख खानको 'जिरो' र 'केजिएफ' रिलिज भएको थियो। यस भिडन्तमा 'जिरो' फ्लप हुँदा 'केजिएफ'ले सय करोडको कमाइ गरेको थियो।
'सेरा नरसिम्हा रेड्डी' हिन्दी र तेलेगुका अलावा तमिल, मल्यालम र कन्नड भाषामा रिलिज हुनेछ।
