सुशान्त सिंह तथा श्रद्धा कपुर स्टारर 'छिछोरे'ले पहिलो सप्ताहन्तमा ३५ करोड भारू कमाइ गरेको छ।
यस हिसाबले सिनेमाको पहिलो सप्ताहन्तको कमाइ सुखद् बनेको छ।
६ सेप्टेम्बर शुक्रबारबाट प्रदर्शनमा आएको सिनेमाले रिलिजको दिन ७.३२ करोड भारू कमाएको थियो भने दोश्रो दिन शनिबार झण्डै दोब्बर कारोबार गर्यो।
सिनेमाले दोश्रो दिन १२.२५ करोड भारू कमाएको छ।
यस्तै तेश्रो दिन आइतबार सिनेमाले १५.५० करोड भारू कमायो। सिनेमाले दर्शकबाट राम्रो प्रतिक्रिया पाएकाले सिनेमा हिट हुने बाटोमा लागिसकेको बताइन्छ।
सिनेमाले यसै साताभित्र लगानी सुरक्षित गर्ने अनुमान छ।
सिनेमालाई 'दंगल' निर्देशक नितिश तिवारीले निर्देशन गरेका हुन्।
