सुशान्त सिंह राजपुत तथा श्रद्धा कपुर स्टारर 'छिछोरे'को कमाइ सय करोड निकट पुगेको छ।
६ सेप्टेम्बरमा रिलिज भएको सिनेमाले रिलिजको ११ औं दिनसम्म ९८.०८ करोड कमाइ गर्दै आफूलाई सय करोडको नजिक पुर्याएको हो।
नितिश तिवारीको निर्देशनमा बनेको सिनेमामा सुशान्त तथा श्रद्धाका अलावा वरूण शर्मा, नवीन शेट्टी, सहर्ष कुमार, ताहिर राज भासीन, तुषार पाण्डे तथा प्रतीक बब्बरको मुख्य भूमिका रहेको छ।
सिनेमाले आज बुधबार सय करोडको आँकडा पार गर्ने अनुमान छ। सिनेमाले रिलिजको पहिलो दिन ७.३२ करोड भारू कमाइ गरेको थियो भने दोश्रो र तेश्रो दिन क्रमशः १२.२५ तथा १६.४१ करोड भारू कमाइ गरेको थियो।
त्यस्तै रिलिजको ११ औं दिन भने सिनेमाको कमाइ ४.०२ करोड भारू रहेको छ।
