कमल हसन अभिनित सन् १९९२ मा रिलिज भएको 'इण्डियन' सिनेमाको सिक्वलको हाल धमाधम सुटिङ भइरहेको छ।
'इण्डियन २' नामक सिनेमालाई 'आई','रोबर्ट' तथा '२.०' का निर्देशक शंकरले निर्देशन गर्दैछन्। सिनेमा ठूलो बजेटमा निर्माण हुँदैछ। सिनेमाको लागत २०० करोड भारू भएको बताइन्छ।
यस सिनेमाले आफ्नो बजेटको ठूलो रकम एक्सन दृश्यका लागि खर्चिने भएको छ। सिनेमाको एक्सन दृश्यका लागि मात्रै ४० करोड भारू लाग्ने बताइएको छ। सो एक्सन दृश्यलाई भारतको भोपालमा छायाँकन गरिने तय भएको छ जसका लागि २ हजार जुनियर आर्टिस्ट संलग्न हुनेछन्।
सिनेमाका एक्सन सिनहरूको छायाँकनमा मात्रै २५ दिन लाग्ने बताइएको छ। एक्सनलाई पिटर हेनले कोरियोग्राफ गर्नेछन्।
सिनेमामा कमल हसनको प्रमुख भूमिका रहनेछ। यसका अलावा काजोल अग्रवाल, राकुलप्रीत तथा सिद्धार्थ प्रमुख भूमिकामा देखिनेछन्।
