बलिउडमा कयौं सुन्दरी अभिनेत्रीहरू आए तर सुन्दरतामा आज पनि मधुबालाको जति चर्चा सायदै कसैले पाएको छ।
मानिसहरू आज पनि उनको सुन्दरताको कायल छन्। मधुबालाको सुन्दरताको कमाल नै हुनुपर्छ हाल मधुबाला जस्तै देखिने एक युवती टिकटकमा छाएकी छन्। 'टिकटककी मधुबाला' भनेर चिनिन् थालेकी छन्।
उनले मधुबालाका पुराना सदाबहार गीतमा आफूलाई मधुबालाकै हाउभाउमा प्रस्तुत गरेपछि उनी भाइरल बनेकी हुन्। उनको वास्तविक नाम प्रियंका कंडवाल हो। उनको मधुबाला शैली टिकटकमा मात्र होइन ट्वीटर र इन्स्टाग्राममा पनि भाइरल भइरहेको छ। मानिसहरूले प्रियंकाको हाउभाउको तारिफ गरेका छन्।
यसरी भाइरल भएकी प्रियंका अभिनेत्रआ हुन्। उनी चर्चित टेलिभिजन कार्यक्रम 'मरियम खान रिपोर्टिङ लाइभ'की अभिनेत्री हुन्। सो कार्यक्रममा उनले मरियमकी बहिनीको भूमिकामा काम गरेकी थिइन तर उनलाई धेरै चर्चा भने माधुबालाको अवतारले दिलाइरहेको छ।
