बलिउड अभिनेत्री आलिया भट्टको बहुप्रतिक्षीत फिल्म 'गंगूबाई काठियावाडी'को 'फर्स्ट लुक' सार्वजनिक भएको छ।
यो फिल्ममा आलिया भट्ट मुम्बईकी गंगूबाईको भूमिका निर्वाह गर्दैछिन्।
गंगूबाई भारतीय इतिहासमा चर्चित पात्र हुन् जसलाई कम उमेरमै वेश्यावृत्तिका लागि जबरजस्ती गरिएको थियो। पछि गंगूबाईसँग धेरै कुख्यात अपराधीहरू जोडिए।
फिल्म 'गंगूबाई काठियावाडी' को पहिलो लुक आलियाले आफ्नो ट्विटरबाट शेयर गरेकी हुन्। उनले लेखेकी छन्, 'भेट्नुस्, गंगूबाई काठियावाडीलाई...'
दुई पोस्टरमध्ये एकमा आलिया 'माफिया क्वीन' गंगूबाई भएकी छन्।
सञ्जयलीला भन्सालीको निर्देशनमा बनिरहेको यो फिल्ममा आलिया भट्ट एकदमै फरक रूपमा देखिँदैछिन्। फिल्मको पोस्टर रिलिज हुनेबित्तिकै सामाजिक सञ्जालहरूमा खुब चर्चा पाइरहेको छ।
फिल्मका दुवै पोस्टरमा आलिया अलग देखिएकी छन्। फ्यानहरूले उनको यो लुक मनपराइ पनि रहेका छन्।
'गंगूबाई काठियावाडी' यही साल सेप्टेम्बर ११ मा रिलिज हुँदैछ।
