बलिउड अभिनेता सलमान खान आफ्नो खराब प्रस्तुतिकरणका कारण बेलाबेलामा आलोचित हुने गरेका छन्। हालै उनको त्यस्तै खराब प्रस्तुतिकरणको एउटा भिडिओ सार्वजनिक भएको छ।
सामाजिक संजालमा भाइरल भइरहेको भिडिओमा उनले सेल्फी खिच्न उनको अगाडि-अगाडि हिँडेका एक प्रशंसकको मोबाइल खोसेको देखाइएको छ।
सार्वजनिक भिडिओमा विमानस्थलबाट बाहिरिदैं गरेका सलमानसँग सेल्फी खिच्न पछ्याउँदै उनको अघिअघि एक व्यक्ति आउँछन् र ठीक त्यहीबेला सलमानले रिसाउँदै ती व्यक्तिको फोन खोस्छन् र हिँड्छन्।
सलमानले यसरी मोबाइल खोसेको सो भिडिओ कहिलेको र कुन स्थानको हो भन्ने बारेमा केही सार्वजनिक भएको छैन।
यसरी सलमान सार्वजनिक रुपमा रिसाएको पहिलो घटना भने होइन। उनले बेलाबेलामा देखाउने यस्तो हर्कतको चर्को आलोचना हुने गरेको छ।
भिडिओ हेर्न तलको फोटोमा क्लिक गर्नुहोस्ः
