टाइगर श्राफ स्टारर एक्सन फ्रान्चाइज 'बागी ३'ले वक्सअफिसमा सुखद् व्यापार गरेको छ।
सिनेमाले दुई दिनमा करिब ३३ करोड भारूको कमाइ गरेको छ।
सिनेमाले रिलिजको पहिलो दिन शुक्रबार १७ देखि १८ करोड भारूको कमाइ गरेको वक्सअफिस इन्डिया डटकमले जनाएको छ।
यसैगरी सिनेमाले रिलिजको दोश्रो दिन १५.५ देखि १६ करोड भारू बराबरको कमाइ गरेको छ।
'बागी ३'को कमाइको यही गतिमा रहेमा सिनेमाले पहिलो साता आफ्नो व्यापार सहजै ५० करोड भारू पार गर्ने अनुमान छ।
तमिल सिनेमा 'भेट्टाई'को आधिकारिक रिमेक रहेको सिनेमाको एक्सनले तारिफ पाइरहेको छ तर समीक्षकहरूबाट भने चर्को आलोचना पाइरहेको छ। उनीहरूले स्क्रिप्टको चर्को आलोचना गरेका छन्।
सिनेमामा टाइगरका अलावा श्रद्धा कपुर,रितेश देशमुख, जयदिप अलावत तथा विजय शर्मा आदिको अभिनय रहेको छ।
सिनेमालाई अहमद खानले निर्देशन गरेका हुन्।
