शुक्रबार रिलिज भएको इरफान खान तथा करिना कपुर स्टारर 'अंग्रेजी मिडियम' रिलिजकै दिन लिक भएको छ।
सिनेमाको हाइडेफिनेस्न'(एचडी)मा नै लिक भएको छ। भारतीय संचारमाध्यमका अनुसार सिनेमा तमिलरकर्स र टेलिग्राममा लिक भएको छ।
तमिलरकर्स यसअघि पनि थुप्रै सिनेमालाई रिलिजकै दिन लिक गरिदिदैं आएको छ।
लिक भएपछि समीक्षकले तारिफ गरेको यो सिनेमाको व्यापारमा ठूलो असर पर्ने भएको छ।
बढ्दो कोरना भाइरस संक्रमणलाई ध्यानमा राख्दै सिनेमा भारतका केरल, दिल्ली र जम्बुकश्मिरमा रिलिज भएको छैन। सरकारले सिनेमाहलहरू मार्च ३१ सम्मका लागि बन्द गरेकाले त्यहाँ सिनेमा रिलिज भएको छैन।
लिक भएका कारण निर्माताहरूको हल खुलेपछि त्यहाँ गर्ने भनेको रिलिजलाई प्रत्यक्ष ठूलो असर पार्ने देखिएको छ।
अंग्रेजी मिडियम' सिनेमाले बाबु-छोरीको कथा पेस गर्छ।
सिनेमामा इरफान बाबुको भूमिकामा छन् भने राधिका मोहनले छोरीको भूमिका निभाएकी छन्।
यसैगरी सिनेमामा करिनासँगै दीपक डोबरियाल, डिम्पल कपाडिया, रणवीर शौरीको पनि अभिनय रहेको छ।
सिनेमालाई होमी अदजानियाले निर्देशन गरेका हुन्।
