दिवंगत बलिउड अभिनेता सुशान्त सिंह राजपुतको मृत्यु प्रकरणको अनुसन्धानमा लागुपदार्थ प्रयोगको कोण भेटिएपछि अभिनेत्री रिया चक्रवर्ती हाल हिरासतमा पुगेकी छन्।
३ दिन लगातार सोधपुछ गरेपछि मंगलबार उनलाई भारतको नेशनल नार्कोटिक्स ब्यूरोले पक्राउ गरेको हो।
सुशान्तको मृत्युका लागि रिया जिम्मेवार भएको भन्दै उनको सामाजिक संजाल धेरै नै आलोचना भइरहेको छ। यस्तोमा उनी पक्राउ परेको दुई दिनपछि उनको एउटा पुरानो ट्विट सामाजिक संजाल प्रयोगकर्तामाझ भाइरल भइरहेको छ।
सो ट्विटमा रियाले लागुपदार्थको बारेमा सजाय पाएर बाहिर निस्केकी एक युवतीको कथाले आफू डराएको उल्लेख गरेकी थिइन्।
हाल सोही ट्विट भाइरल भइरहेको हो।
'एक भारतीय युवतीको डरलाग्दो कथा पढे, जसले लागु पदार्थको तस्करीका कारण साढे चार वर्षको जेल सजाय काटेकी छिन्', नोभेम्बर, सन् २०१९ मा गरिएको यो ट्विटमा उनले लेखेकी छन्।
प्रयोगकर्ताले यो ट्वीटलाई उनको वर्तमान अवस्थासँग जोडेर ट्विट भाइरल बनाएका हुन्।
'आफ्नै भविष्वाणी गरेको रहेछ', एक प्रयोगकर्ताले ट्विटमा टिप्पणी गरेका छन्।
'कसलाई थाहा थियो र रियाले आफ्नै कुरा गरेको थिइन भनेर', अर्का ट्विटर प्रयोगकर्ताले लेखेका छन्।
