बलिउड अभिनेता सुशान्त सिंह राजपुतको आत्महत्या प्रकरणमा जोडिएको लागुपदार्थको मामिलामा नार्कोटिक्स कन्ट्रोल ब्यूरो(एनसिबी)को गिरफ्तारीमा परेका धर्मा प्रोडक्सनका पूर्व कार्यकारी निर्माता क्षितिज प्रसादले आफूलाई बलिउडका ठूला स्टारको नाम कबुल्न दबाब दिएको आरोप लगाएका छन्।
क्षितिजले ब्यूरोका अनुसन्धान अधिकारीले बयानका क्रममा आफूमाथि डिनो मोरियो, अर्जुन रामपाल तथा रणवीर कपुरको नाम लिन दबाब दिएको आरोप लगाएका हुन्।
'मैले स्पष्टरूपमा पहिले पनि बताइसकेको छु, म उनीहरूलाई चिन्दिन र मलाई उनीहरूमाथि यसप्रकारको आरोपको कुनै पनि जानकारी छैन', क्षितिजले भने।
एनसिबीको सोधपुछका क्रममा क्षितिजमाथि कुटपिट र दुर्ब्यबहार गरेको भन्ने आरोपमा ब्यूरोले आफ्नो भनाइ अदालतमा पेस गरेको छ।
उनीहरूले सोको जवाफसँगै क्षितिजले दिएको बयानको एक प्रति पनि साथै संलग्न गरेर अदालतमा पेस गरेका छन्।
