कन्नाडा अभिनेत्री तथा बिग बोस कन्नाडा सिजन ३ की प्रतिष्पर्धी जयश्री रमैयाहले आत्महत्या गरेकी छन्।
भारतीय सञ्चारमाध्यमहरूका अनुसार उनले सोमबार बैङ्लुरूस्थित आफ्नो कोठामा झुन्डिएर आत्महत्या गरेकी हुन्।
उनको शव पोष्टमर्टमका लागि अस्पताल पठाइएको र आत्महत्याको कारणबारे अनुसन्धान भइरहेको बैङ्लुरू प्रहरीले जनाएको छ।
जयश्री डिप्रेसनमा थिइन्। उनले यसअघि गत वर्ष जुलाईमा सामाजिक सञ्जाल फेसबुकमा आफू संसारबाट बिदा हुन लागेको बताएकी थिइन्। पछि उनले त्यो पोष्ट डिलिट गरेकी थिइन्।
सन् २०१७ मा उप्पु हुली खारा भन्ने कन्नाडा फिल्मबाट जयश्रीले अभिनय यात्रा थालेकी थिइन्।
