बलिउड अभिनेता अमिताभ बच्चन र इमरान हास्मीको मुख्य भूमिका रहेको फिल्म 'चेहेरे' को ट्रेलर सार्वजनिक भएको छ।
बिहीबार सारेगम म्युजिकको आधिकारिक च्यानलबाट चेहेरेको ट्रेलर सार्वजनिक भएको हो।
'मिस्ट्री थ्रिलर' जनराको यो फिल्म रूमी जेफरीले निर्देशन गरेका हुन्। आनन्द पन्डितको निर्माणमा बनेको चेहेरेमा अमिताभ र इमरानबाहेक क्रिस्टिल डिसुजा, रिया चक्रवर्ती, सिद्धान्त कपुर, अन्नु कपुर, धृतमन चटर्जी र रघुवीर यादवको पनि भूमिका छ।
फिल्ममा अमिताभले वकिलको भूमिका निर्वाह गरेका छन् भने इमरान एक व्यवसायी भएका छन्।
यो फिल्म सन् २०१९ को अप्रिलमै घोषणा भएर सोही वर्ष मेमा सुटिङ सुरू भएको थियो। सन् २०२० को जुलाइमा विश्वव्यापी रूपमा रिलिज गरिने भनिए पनि कोरोनाका कारण ढिला भएको हो।
अब यो फिल्म सन् २०२१ को अप्रिल ९ मा रिलिज हुने तय भएको छ।
हेर्नुस् ट्रेलरः
