भारतीय अभिनेता फरहान अख्तरको फिल्म 'तूफान' रिलिज भएको पहिलो सातामै रेकर्ड बनाएको छ। यो फिल्म १६ जुलाइमा अमेजन प्राइम भिडिओमा रिलिज भएको हो।
तूफानले अमेजनमा रिलिज भएका फिल्ममध्ये पहिलो सातामा सबभन्दा धेरै पटक हेरिएको रेकर्ड बनाएको हो।
साथै रिलिजको पहिलो सातामा तीन हजार नौ सयभन्दा बढी ठाउँका दर्शकले यो फिल्म हेरेका पनि भारतीय सञ्चारमाध्यम एनडिटिभीले लेखेको छ।
यसबारे अमेजन प्राइम भिडिओले बिहीबार एक प्रेस विज्ञप्ति जारी गरेर जानकारी दिएको हो। अमेजनका अनुसार २६ र २७ जुलाइमा कम्पनीको 'प्राइम डे' अवसरमा दर्शकले निकै फाइदा लिए।
राकेश ओम प्रकाश मेहराद्वारा निर्देशित फिल्म तूफानमा फरहान अख्तरबाहेक मृणाल ठाकुर र परेश रावलको पनि मुख्य भूमिका छ।
अमेजनको विज्ञप्तिअनुसार बक्सिङ विषयलाई केन्द्रमा राखेर बनाइएको फिल्म तूफान १६० भन्दा बढी देशमा प्रदर्शन भएको छ।
