भारतीय टेलिभिजन च्यानल स्टास प्लसबाट प्रसारण हुने 'ये रिश्ता क्या कहलाता है'ले १२ वर्ष पूरा गरिसकेको छ। यो लोकप्रिय टेलिसिरियलका अनस्क्रिन जोडी कार्तिक र नायराले घरघरका दर्शकको मन जितेका छन्।
कार्तिक र कायरा बनेका कलाकार मोहसिन खान र शिवांगी जोशीले यही भूमिकाका कारण लाखौं प्रशंसक कमाएका छन्।
दर्शकको मनमा बसेको यो जोडी अब भने 'ये रिश्ता क्या कहलाता है'मा देखिने छैन। बलिउड हंगामाका अनुसार मोहसिन र शिवाङ्गीले यो टेलिसिरियल छोड्ने बताइसकेका छन्। समाचार अनुसार मोहसिन र शिवांगी अक्टोबरको पहिलो साता आफ्नो अन्तिम भाग छायांकन गर्ने छन्।
मोहसिन र शिवांगीको निष्कासनपछि निर्माताहरुले 'ये रिश्ता क्या कहलाता है' मा कार्तिक र नायराका बच्चाहरु सबै हुर्किसकेको देखाउने छन् र कथा उनीहरुकै वरिपरि घुम्ने छ।
