अक्षय कुमारको बहुप्रतिक्षित फिल्म 'पृथ्वीराज'को टिजर र प्रदर्शन मिति सार्वजनिक भएको छ। चन्द्रप्रकाश द्विवेदीको निर्देशनमा बनेको ऐतिहासिक एक्सन ड्रामा फिल्मको टिजर सोमबार सार्वजनिक भएको हो।
तत्कालिन चाहमना राज्यका राजा पृथ्वीराज चौहानको कथामा आधारित फिल्ममा अक्षय मुख्य भूमिकामा देखिएका छन्।
करिब तीन सय करोड बजेटको फिल्मको छायांकन चलिरहँदा कोरोना महामारी सुरु भएपछि काम रोकिएको थियो। गत वर्ष नोभेम्बरबाट पुनः छायांकन सुरु गरिएको फिल्म आगामी जनवरी २१ मा रिलिज हुने भएको छ।
चन्द बार्दाइको महाकाव्य 'पृथ्वीराज रसो'मा आधारित फिल्ममा अक्षयसँगै सञ्जय दत्त, सोनु सुद, मानुषी चिल्लरको मुख्य भूमिका छ।
तिहारको अवसरमा प्रदर्शनमा आएको अक्षयको 'सूर्यवंशी' ले उत्साहजनक व्यापार गरिरहेको छ।
हेर्नुहोस् टिजर
