अहिले बलिउडका 'हिट मेसिन' मानिने अक्षय कुमारको नयाँ फिल्म 'बच्चन पाण्डे' को ट्रेलर रिलिज भएको छ।
यो ट्रेलर शुक्रबार सार्वजनिक भएको हो। फिल्ममा अक्षयसँगै कृति सेननको मुख्य भूमिका छ।
साथै अर्सद वार्सी, पंकज त्रिपाठी, सन्जय मिश्रा, अभिमन्यू सिंह र ज्याक्लिन फर्नान्डिज पनि उल्लेखनीय भूमिकामा देखिने छन्।
एक्सन-कमेडी फिल्म बच्चन पाण्डे आगामी मार्च १८ मा रिलिज हुने भनिएको छ।
फिल्म फरहाद सम्जीको निर्देशन र साजिद नाडियावालाको निर्माणमा बनेको हो।
बच्चन पाण्डेमा अक्षयको लुक्स एकदमै फरक छ। उनको लुक्सकै कारण अहिले धेरै चर्चा भइरहेको छ।
