अमिताभ बच्चन र अजय देवगनको फिल्म रन-वे ३४ को ट्रिजर सार्वजनिक भएको छ।
शनिबार फिल्म निर्माण पक्षले दुई वटा मोसन पोस्टर रिलीज गर्दै फिल्मको प्रदर्शन मितिसमेत तय गरेको छ।
आगामी अप्रिल २९ बाट फिल्म सिनेमा घरमा लाग्ने फिल्मको ट्रिजरमा अजय देवगन र अमिताभ बच्चनलाई फरक-फरक भूमिकामा देखाइएको छ।
पहिलो मोशन पोस्टरलाई अजय देवगनले आफ्नो सामाजिक सञ्जालमा सेयर गरेका थिए। जसमा उनले घटनाका बारेमा बताइरहेका छन्।
यस्तै दोस्रो ट्रिजरलाई अमिताभ बच्चनले सेयर गरेका छन्। उनले पाइलटमाथि यात्रुको सुरक्षा खतराबारे संवाद बोलेका छन्।
सत्य घटनामा आधारित फिल्म रन-वे ३४ इमोशनल र हाई ओक्टेन थ्रिलर फिल्म हो।
यो फिल्म सन् २०१५ मा भएको एउटा सत्य घटनामा आधारित छ।
अजय देवगनले फिल्ममा पाइलटको भूमिका निभाएका छन्। निर्माण पक्षका अनुसार रकुल प्रीत सिंहले पनि फिल्ममा पाइलटको भूमिका निभाएका छन्।
अजय देवगन र अमिताभ बच्चनले यसअघि फिल्म सत्याग्रहमा एक साथ अभिनय गरेका थिए। यसबाहेक ९० को दशकमा दुबैले ‘मेजर साहब’ फिल्ममा काम गरेका थिए।
अजय निर्देशित फिल्ममा अमिताभ बच्चन, अजय देवगन, क्यारीमिनाटी, बोमन ईरानी र रकुलप्रीत सिंहको प्रमुख भूमिका देख्न सकिन्छ।
बलिउड हंगामाको रिपोर्ट अनुसार अजय देवगनको यो फिल्म एक सत् घटनामा आधारित फिल्म हो। सन् २०१५ मा जेट एयरवेजको दोहा-कोच्ची उडानका क्रममा भएको घटनामा फिल्ममा प्रस्तुत गरिएको छ।
