बलिउड अभिनेत्री आलिया भट्टले आफ्नो जन्मदिनको अवसर पारेर फिल्म ‘ब्रम्हास्त्र’को क्यारेक्टर पोस्टर सार्वजनिक गरेकी छन्।
यसअघि अभिनेता रणवीरको मोशन पोस्टर सार्वजनिक गरिएको थियो। जसमा रणवीरलाई आगोमाथी उभिएर त्रिशुल बोकेको देख्न सकिन्छ।
पौराणिक कथामा आधारित फिल्ममा रणवीरको अभिनयका साथमा अमिताभ बच्चन, आलिया भट्ट र साउथका सुपरस्टार नागार्जुनको मुख्य भूमिका रहेको छ । निर्माण पक्षका अनुसार फिल्म ‘ब्रम्हास्त्र’ लाई भारतका पाँच भाषामा डविङ गरि प्रदर्शन गरिने छ ।
निर्देशक आयन मुखर्जीका अनुसार फिल्मलाई हिन्दी, तमिल, तेलुगु, मलयालम र कन्नडमा रिलिज हुनेछ ।
फक्स स्टार स्टुडियोले निर्माण गरेको फिल्मको कुल बजेट ३०० करोड रहेको समेत जानकारी दिएको छ।
मंगलबार आफ्नो २८ औं जन्मदिन मनाएकी आलियाले अभिनय करिअरमा करिब डेढ दर्जन फिल्ममा प्रमुख भूमिका निभाएकी छन्। जसमध्ये १० वटा फिल्म सुपर हिट भएका छन्।
सन् १९९९ मा रिलिज भएको फिल्म ‘संघर्ष’ उनी पहिलोपटक बाल कलाकारको रुपमा डेब्यु गरेकी उनले १८ वर्षको उमेरमा ‘स्टुडेन्ट अफ दी इयर’बाट मुख्य भूमिकामा प्रस्तुत भइन्।
1647391925.jpg)
