बलिउड अभिनेता शाहरुख खानले नयाँ ओटीटी प्लेटफर्म सञ्चालन गर्ने भएका छन्।
उनले सामाजिक सञ्जालमार्फत आफू छिट्टै ओभर दी टप (ओटीटी) प्लेटफर्म सञ्चालन गर्ने घोषणा गरेका हुन्।
मंगलबार आफ्नो ट्वीटर ह्याण्डलमार्फत शाहरुख खानले चाँडै नै ‘एसआरके प्लस’ नाममा ओटीटी लन्च गर्ने बताएका छन्।
उनले ट्वीटरमा लेखेका छन्,‘ओटीटीको दुनियाँमा केही हुनेवाला छ।’
कोरोना महामारीपछि विश्वव्यापी रुपमै ओटीटी प्लेटफर्मको क्रेज बढ्दै गएको छ। यसैबीच शाहरुखले पनि आफ्नो ओटीटी लन्च गर्ने तयारी गरेका हुन्।
यसअघिका नेटफ्लिक्स, अमेजन प्राइम भिडियो, डिज्नी प्लस हटस्टार, सोनी लिभ, जी फाइभजस्ता ओटीटी प्लेटफर्म लोकप्रिय छन्।
