बलिउड अभिनेता टाइगर श्राफको फिल्म ‘हिरोपन्ती २’ को ट्रेलर सार्वजनिक भएको छ।
अहमद खानले निर्देशन गरेको यस चलचित्रमा टाइगरबाहेक तारा सुतारिया र नवाजुद्दीन सिद्दीकी पनि मुख्य भूमिकामा छन्।
आगामी इदमा रिलिज हुने भनिएको फिल्मको ट्रेलरमा भरपुर एक्सन दृश्यहरु समावेश गरिएको छ । रोमान्स, एक्सन, कमेडी र सस्पेन्स मिश्रण गरिएको ट्रेलरमा नवाजुद्दिन लैला नामक खलपात्रको भूमिकामा देखिएका छन् ।
फिल्म आगामी अप्रिल २९ देखि हलमा रिलिज हुनेछ। फिल्मलाई साजिद नाडियाडवालाले निर्माण गरेको हुन्।
