अजय देवगन, अमिताभ बच्चन र रकुल प्रीत सिंह अभिनित बलिउड फिल्म 'रनवे ३४' को ट्रेलर सार्वजनिक भएको छ। आगामी अप्रिल २९ मा रिलिज हुने फिल्म वास्तविक घटनामा आधारित छ।
गत साता रिलिज भएको टिजर र पोस्टरबाट चर्चा बटुलेको फिल्मले सोमबार ट्रेलर रिलिज गरेको हो।
वास्तविक घटनामा आधारित यो फिल्म एक सन्काहा पाइलट वरपर घुम्छ। अजय देवगणले नै निर्देशन गरेको यो थ्रिलर फिल्ममा उनी विक्रान्त खन्ना नामक पाइलटको भूमिकामा छन् ।
अजय र अमिताभले यसअघि खाकी, हिन्दूस्तानकी कसम, मेजर साबसहितका हिट फिल्ममा सहकार्य गरेका छन् । फिल्ममा अभिनेत्री रकुल प्रीत अजयकी को–स्टारको रुपमा छिन् ।
सन् २०१५ मा दोहादेखि कोचीसम्म उडान भरेको जेट एयरवेजको विमानको घटनालाई लिएर फिल्म निर्माण भएको हो । खराब मौसम र कमजोर दृश्यात्मकताको बाबजुद पनि पाइलटले कसरी कोची अन्तर्राष्ट्रिय विमानस्थलमा विमान अवतरण गराउन सफल रहे भन्ने कथावस्तु यसमा छ ।
यो फिल्मबाट अजय देवगनले निर्देशकको रुपमा डेब्यु गर्दैछन्।
