‘द कश्मीर फाइल्स’ को सफलतासँगै निर्माता विपुल शाहले हृदयविदारक अर्को एक सत्य घटनामा आधारित फिल्म बनाउने भएका छन्।
३२ हजार महिला तस्करी र धर्म परिवर्तनबारे बन्दै गरेको फिल्म ‘द केरल स्टोरी’ को टीजर सार्वजनिक भएको छ।
टिजरलाई दर्शकले रूचाएका छन्। विपुल शाहले यो फिल्ममा ३२ हजार युवती बेपत्ताको कहानीलाई समेटेका छन्। जो कहिल्यै फर्किएनन्।
निर्माण पक्षले सामाजिक सञ्जालमा १ मिनेट १० सेकेन्डको टिजर सार्वजनिक गर्दै फिल्म निर्माण हुँदै गरेको जानकारी गराएको हो।
केरलमा हजारौं युवती बेपत्ता भइरहेका छन्। पछिल्लो १२ वर्षमा बेपत्ता भएका हजारौं युवती अहिलेसम्म आफ्नो घर फर्किएका छैनन्।
उनीहरूलाई आईएसआईएस र इस्लामिक युद्व क्षेत्रमा तस्करी गरिएको कथा फिल्मले भन्नेछ। कसरी धर्म परिवर्तनबारे राजनीति भइरहेको छ त्यसबारे पनि फिल्ममा देखाइनेछ।
