बलिउड अभिनेत्री करिना कपूर खान दुई सन्तानकी आमा हुन्। उनले तैमुर अली खान र जहांगीर अली खानलाई जन्म दिएकी छन्, भने अभिनेता सैफ अली खान चौथो पटक बुबा बनेका हुन्।
करिनाभन्दा अगाडि सैफको पहिलो पत्नी अभिनेत्री अमृता सिंहबाट सारा अली खान र इब्राहिम खान गरी दुई सन्तान छन्।
करिनाले भोग इन्डियासँग कुराकानी गर्दै सैफ हरेक दशकमा बुबा बन्ने बताएकी छन्। उनले भनेकी छन्, ‘सैफको हरेक दशकमा एउटा बच्चा हुन्छ। बीस, तीस, चालीस र पचास। मलाई लाग्छ सैफ जस्तो फराकिलो सोच भएका व्यक्ति मात्रै चार सन्तानका बुबा हुन सक्छन्। उहाँ सबैलाई आफ्नो समय दिनुहुन्छ।’
करिनाले सैफसँग सम्झौता समेत गरेको बताएकी छन्। दुईबीचको सम्झौता अनुसार यदी सैफ कुनै फिल्ममा काम गरिरहेका छन् भने करिना कुनै काम गर्दिनन्।
‘हामीले एउटा सम्झौता गरेका छौं। उनले कुनै फिल्ममा काम गरिरहेका छन् भने म कुनै काम गर्दिन,’ करिनाले भोगसँग भनिन्।
यतिबेला करिना फिल्म ‘लाल सिंह चड्डा’को प्रदर्शनको पखाईमा छिन्। अद्वैत चन्दन निर्देशित फिल्ममा करिना कपूरसँगै आमिर खानको मुख्य भूमिका छ। ‘लाल सिंह चड्डा’ सन् १९९४ मा आएको अमेरिकी फिल्म ‘फरेस्ट गम्प’ को रिमेक हो। फिल्म सन् २०२२ अगस्ट ११ तारिखमा प्रदर्शन हुदैँछ।
त्यस्तै, सैफको पछिल्लो समय फिल्म ‘बन्टी और बब्ली २’को प्रदर्शन भएको थियो।
