बलिउड अभिनेता रणवीर कपूर र आलिया भट्ट आज बिहे गर्दैछन्। रणवीर र आलियाको विवाहमा नजिकको अफन्त र साथीभाइ मात्रै सहभागी हुँदैछन्।
उनीहरूको अप्रिल १३ मा मेहेन्दी समारोह सम्पन्न भएको हिन्दुस्तान टाइम्सले जनाएको छ। रणवीरकी आमा नीतु कपूरले आफ्नो इन्स्टाग्राममा मेहेन्दी लगाएको तस्बिर सार्वजनिक गरेकी छन्। तर, रणवीर र आलियाको तस्बिर सार्वजनिक भएको छैन।
उनीहरूको विवाहबारे दुवै परिवारले कुरा गोप्य राख्ने प्रयास गरेका थिए। विवाह कहिले हुुँदैछ भन्ने प्रश्नमा उनीहरूका परिवारले हाल कुनै योजना नभएको बताउँदै आएका थिए। अप्रिल १३ मा मेहेन्दीको केही तस्बिर सार्वजनिक भएसँगै विवाह हुन लागेको खबर बाहिरिएको हो।
रणवीर र आलिया करिब दुई वर्षदेखि प्रेम सम्बन्धमा थिए। उनीहरूले आगामी फिल्म ‘बह्मास्त्र’मा एक साथ काम गरेका छन्।
