दक्षिण भारतीय अभिनेता जुनियर एनटिआर यतिबेला पहँलो लुगा र खाली खुट्टामा देखिन्छन्। उनको हातमा एक गम्छा पनि छ।
उनले पहँलो लुगा लगाएको र खाली खुट्टा हिँडेको तस्बिर अहिले सामाजिक सञ्जालमा भाइरल भइरहेको हो।
फिल्म ‘आरआरआर’ को सफलतापछि जुनियर एनटिआरले हनुमान दीक्षा लिएका हुन्। केरलाको सबरीमाला मन्दिरको भ्रमण गर्नुभन्दा अघि २१ दिनसम्म उनी यस्तै पहिरनमा देखिनेछन्।
यसै फिल्मका अभिनेता रामचरणले पनि सबरीमाला मन्दिरबाट हनुमान दीक्षा लिएका थिए। उनी कालो लुगा र खाली खुट्टामा देखिएका थिए। उनले ४१ दिनको व्रत राखेका छन्। यो व्रत लिनेहरूले ४१ दिनसम्म कालो लुगा लगाउने, खाली खुट्टा हिँड्ने, शाकाहारी भोजन गर्ने र ब्रह्मचार्य पालना गर्छन्।
एसएस राजामौलीको निर्देशनमा बनेको फिल्म ‘आरआरआर’ ले बक्स अफिसमा वर्ल्ड वाइड एक हजार करोड भारतीय रुपैयाँको आँकडा पार गर्ने तेस्रो फिल्म बनेको छ। यो फिल्मभन्दा अगाडी एसएस राजामौलीकै निर्देशनमा बनेको फिल्म ‘बाहुबली २’ र आमिर खानको ‘दंगल’ ले एक हजार करोड कमाएको थिए।
चर्चित दक्षिण भारतीय अभिनेताद्वय रामचरण र एनटिआरको मुख्य भूमिका रहेको फिल्ममा आलिया भट्टको पनि छोटो तर प्रमुख भूमिका छ। यसबाहेक अजय देवगनलाई पनि फिल्ममा देख्न सकिन्छ।
