बलिउड अभिनेत्री आलिया भट्टको फिल्म 'गंगुबाई कठियावाडी' आगामी अप्रिल २६ तारिकमा नेटफ्लिक्समा आउने भएको छ।
भारतीय सञ्चारमाध्यम बलिउड हंगामाका अनुसार सञ्जयलीला भन्सालीद्वारा निर्देशित गंगुबाई सिनेमा हलपछि अब नेटफ्लिक्समा सार्वजनिक हुने भएको हो।
फिल्ममा आलिया मुम्बईको कमाठीपुरस्थित एक वेश्यालयकी 'म्याडम'को भूमिकामा देखिएकी छन्।
उनी त्यहाँकी 'रानी' हुन्। आलियाको यो अवतार दर्शकहरूका लागि नौलो हो। सेतो साडी र निधारमा ठूलो बिन्दी लगाएर हिँड्ने आलिया फिल्ममा गंगुबाई काठियावाडीको भूमिकामा छन्। फिल्ममा अजय देवगनको पनि भूमिका छ।
सिनेमा हलमा हिट सावित भएको यो फिल्म नेटफ्लिक्समा हिन्दी र तेलेगू भाषामा सार्वजनिक हुने भएको हो।
फिल्मले अहिलेसम्म झन्डै दुई सय करोड भारू कमाइसकेको छ।
