बलिउड अभिनेता सिद्धार्थ मलहोत्रा र कियारा अड्वानीको ब्रेकअप भएको खबर बाहिरिएको छ।
फिल्म ‘शेरशाह’ को छायांकन क्रममा उनीहरू बीच प्रेम सम्बन्धको सुरुवात भएको थियो। तर सिद्धार्थ र कियाराले आफ्नो प्रेम सम्बन्धको बारेमा कहिलै खुलेर बोलेका थिएनन्। न त अस्विकार नै गरेका थिए।
बलिउड लाइफका अनुसार सिद्धार्थ र कियाराको ब्रेकअप भइसकेको छ। ‘सिद्धार्थ र कियाराबीच राम्रो सम्बन्ध थियो। हामी धेरैले सोचेका थियौं कि उनीहरूले विवाह गर्नेछन्। तर भाग्यले अर्कै निर्णय लियो। हामी आश्चर्यचकित छौं कि यो जोडीबीच कहाँ खटपट सुरु भयो,’ बलिउड लाइफको स्रोत भने।
सिद्धार्थ ‘मिशन मजनु, योधा र थ्यांक गड’मा देखिनेछन् भने कियारा कार्तिक आर्यनसँग ‘भुल भुलैया २’ मा देखिनेछिन्। साथै, उनी ‘जुग जुग जीयो', 'गोविन्दा मेरा नाम' र आ'रसी १५’ पनि देखिनेछिन्।
