बलिउड अभिनेत्री आलिया भट्टको फिल्म ‘गंगुबाई कठियावाडी’ ओटिटी प्लेटफर्म नेटफ्लिक्समा प्रदर्शन भएको छ।
भारतीय सञ्चारमाध्यम बलिउड लाइफका अनुसार फिल्म हलमा प्रदर्शन भएको दुई महिनापछि आज मंगलबारबाट नेटफ्लिक्समा स्ट्रिमिङ भएको हो।
यो फिल्म गत फेब्रुअरी २५ मा फिल्म हलमा प्रदर्शन भएको थियो। सञ्जयलीला भन्सालीद्वारा निर्देशित फिल्ममा आलिया मुम्बईको कमाठीपुरस्थित एक वेश्यालय चलाउने भूमिकामा देखिएकी छन्। फिल्ममा अजय देवगनको पनि भूमिका छ।
यो फिल्म ‘द माफिया क्विन अफ मुम्बई’ पुस्तकमा आधारित छ।
फिल्म हलमा हिट सावित भएको यो फिल्म नेटफ्लिक्समा हिन्दी र तेलेगू भाषामा सार्वजनिक हुने भएको हो।
फिल्मले अहिलेसम्म झन्डै दुई सय करोड भारू कमाइसकेको छ।
