दक्षिण भारतीय फिल्म 'केजिएफः च्याप्टर २' ले आमिर खानको 'दंगल' र एसएस राजामौलीको 'आरआरआर' लाई उछिन्दै भारतमा सर्वाधिक कमाइ गर्ने दोस्रो फिल्मको स्थान बनाएको छ। यो फिल्मले हिन्दी संस्करणमा पनि सर्वाधिक कमाउने दोस्रो फिल्मको स्थान बनाएको छ।
यीबाहेक भारतमा सर्वाधिक कमाइ गर्ने दश वटा फिल्म कुन हुन्?
१. बाहुबली २
एसएस राजामौलीको 'बाहुबलीः द कन्क्लुजन' ले भारतमा एक हजार तीन सय ४६ करोड ९० लाख भारतीय रुपैयाँ कमाएको थियो। यो फिल्म हालसम्म शीर्ष स्थानमा छ।
२. केजिएफः च्याप्टर २
यश स्टारर फिल्म 'केजिएफ २' ले प्रदर्शन भएको २० दिनमा आठ सय ९२ करोड भारु कमाएको छ। फिल्मले अझै पनि भारतीय बक्स अफिसमा राम्रो प्रर्दशन गरिरहेको छ। यो फिल्मले हिन्दी भाषामा पनि तीन सय ९१ करोड ६५ लाख कमाउँदै सर्वाधिक कमाउने फिल्मको दोस्रो स्थान आएको छ।
३. आरआरआर
एसएस राजामौलीको 'आरआरआर'ले प्रदर्शन भएको ४० दिनमा आठ सय ८७ करोड भारु कमाएको छ। फिल्ममा राम चरण र जुनियर एनटीआरको मुख्य भूमिका छ।
४. दंगल
आमिर खानको 'दंगल'ले भारतमा पाँच सय ११ करोड ३० लाख भारु कमाएको थियो। योसँगै फिल्म हाल सर्वाधिक कमाउनेमध्ये चौथो स्थानमा छ।
५. २.०
रजनीकान्त र अक्षय कुमार अभिनित फिल्म '२.०' ले भारतमा पाँच सय आठ करोड ५० लाख कमाएको थियो। सर्वाधिक कमाउने भारतीय फिल्ममध्ये यो पाँचौ स्थानमा छ।
६. 'बाहुबलीः द बिगिनिङ'
एसएस राजामौलीको 'बाहुबलीः द बिगिनिङ' भारतमा चार सय ८२ करोड भारु कमाएको थियो। फिल्ममा प्रभास, राण दग्गुवाती, तमन्ना भटियाको मुख्य भूमिका रहेको थियो।
७. पिके
आमिर खानको अर्काे ब्लकबस्टर फिल्म 'पिके' ले भारतमा चार सय ५५ करोड कमाएको थियो। फिल्ममा आमिरसँगै अनुष्का शर्माको मुख्य भूमिका थियो।
८. एभेन्जर्सः एन्डगेम
हलिउड फिल्म 'एभेन्जर्सः एन्डगेम' ले भारतमा मात्रै चार सय ४२ करोड ७० लाख कमाएको थियो। यो फिल्म भारतमा सर्वाधिक कमाउने आठौं स्थानमा पर्न सफल भएको छ।
९. टाइगर जिन्दा है
सलमान खान र कट्रिना कैफको फिल्म 'टाइगर जिन्दा हे' ले भारतमा चार सय ३४ करोड ७० लाख कमाएको थियो।
१०. सञ्जु
बलिउड अभिनेता सञ्जय दत्तको जीवनीमा आधारित फिल्म 'सञ्जु' ले भारतमा चार सय ३४ करोड ३० लाख कमाएको थियो। हाल यो भारतमा सर्वाधिक कमाइ गर्ने फिल्मको १० औं स्थानमा छ। फिल्ममा सञ्जय दत्तको भूमिकामा रणवीर कपूर देखिएका थिए।
(बलिउड लाइफको सहयोगमा तयार पारिएको)
