बलिउड अभिनेता आयुष्मान खुराना अभिनित फिल्म 'अनेक'को ट्रेलर सार्वजनिक भएको छ। फिल्मलाई अनुभव सिन्हाले निर्देशन गरेका हुन्।
भारतको उत्तर पूर्वी क्षेत्रको राजनीतिक विषयमा आधारित छ। फिल्ममा उत्तर पूर्वी क्षेत्रमा सक्रिय रहेको अतिवादी समूह र सरकारबीच समन्वय गराउन खटेका एक अधिकारीको कथा देखाइएको छ। फिल्ममा आयुष्मान खुरानाले अन्डरकभर एजेन्टको भूमिका निभाएका छन्।
एक्सन फिल्ममा आयुष्मानसँगै अभिनय सिंह, सरिक खान, हानी यादवलगायत कलाकारको अभिनय रहेको छ। फिल्ममा भुषण कुमार, कृष्ण कुमार र निर्देशक सिन्हाको लगानी रहेको छ।
फिल्मको कथा सीमा अग्रवाल, याश केशवानी र अनुभव सिन्हाले तयार पारेका हुन्। यो फिल्म सन् २०२२ मे २७ अर्थात् यही जेठ १३ गतेबाट प्रदर्शन हुँदैछ।
