बलिउड अभिनेता अक्षय कुमार अभिनित फिल्म ‘पृथ्वीराज’को ट्रेलर सार्वजनिक भएको छ। सार्वजनिक ट्रेलरमा दमदार एक्सन सहित देशभक्ति भाव देखाइएको छ।
यो एक पिरियड ड्रामा फिल्म हो। यशराज ब्यानरमा निर्माण भएको फिल्ममा अक्षयले पृथ्वीराज चौहानको भूमिकामा निभाएका छन्। चौहानकी पत्नी सान्योगिताको भूमिकामा पूर्व विश्व सुन्दरी मानुसी छिल्लर देखिएकी छन्।
फिल्ममा अक्षय र मानुसीसँगै सञ्जय दत्त र सोनु सुद पनि मुख्य भूमिका रहेको छ। पूर्व विश्व सुन्दरी मानुसी यही फिल्मबाट बलिउडमा डेब्यू गर्दैछिन्।
चन्द बर्दाइको चर्चित कविता पृथ्वीराज रासोमा फिल्म आधारित छ। फिल्मलाई चन्द्रप्रकाश द्विवेदीले लेखन तथा निर्देशन गरेका हुन्।
यो फिल्म यही जुन ३ अर्थात जेठ २० गतेबाट प्रदर्शन हुँदैछ।
