दक्षिण भारतीय सुपरस्टार विजय थलापतिको यही वर्ष रिलिज भएको फिल्म ‘बिस्ट’ युट्युबमा सार्वजनिक भएको छ।
चार दिनअघि युट्युबमा आरजी इन्टरटेनमेन्टले राखेको यो फिल्म अहिले ट्रेन्डिङ नम्बर एकमा छ।
बक्स अफिसमा राम्रो प्रदर्शन गर्न नसकेको बिस्टले युट्युबमा भने राम्रै भ्युज कमाएको छ। डेढ सय करोड भारूमा बनेको यो फिल्मले करिब एक सय ९५ करोड भारू कमाएको भारतीय सञ्चारमाध्यमहरूले जनाएका छन्।
नेल्सन दिलीपकुमारको निर्देशनमा बनेको फिल्ममा विजयसँगै प्रमुख भूमिकामा पूजा हेगडे छिन्। एक्सन थ्रिलरको यो फिल्म गत अप्रिल १३ मा रिलिज भएको हो।
एक्सन कमेडी फिल्म बिस्टमा पाकिस्तानी आतंकवादको मुद्दा उठाइएको छ।
