बलिउडमा अभिनेता सलमान खानले ‘कभी इद कभी दिवाली’ फिल्मको छायांकन सुरु गरेका छन्।
फिल्मको छायांकन सुरु भएकाे जानकारी दिँदै उनले सामाजिक सञ्जालमा एक तस्बिर सार्वजनिक गरेका छन्। उक्त तस्बिरमा उनको लामो कपाल देख्न सकिन्छ। उनले कालो कपडा लगाएका छन् भने हातमा एक डन्डी लिएका छन्।
उनको लुक्स सार्वजनिक भएपछि फिल्मलाई लिएर दर्शकहरू निकै उत्साहित रहेको भारतीय सञ्चार माध्यम बलिउड लाइफमा उल्लेख छ। फिल्म छायांकनको लागि मुम्बईमा एक भव्य सेट तयार पारिएको छ।
फरहाद सामजीले निर्देशन गरिरहेको फिल्ममा उनलाई एक्सन र कमेडीसहित रोमान्टिक अवतारमा देख्न पाइने छ।
फिल्ममा सलमानसँगै दक्षिण भारतीय फिल्मकी अभिनेत्री पूजा हेगडेको पनि मुख्य भूमिका रहनेछ।
केही समय अगाडि सलमानले 'टाइगर ३' को छायांकन सकाएका थिए। यस फिल्ममा उनीसँग कट्रीना कैफ देखिनेछन्।
