बलिउड अभिनेता आमिर खान र करीना कपूर खान अभिनित फिल्म 'लाल सिंह चड्डा'को ट्रेलर सार्वजनिक भएको छ।
आइतबार अहमदाबादमा भएको आइपीएलको फाइनल म्याचमा फिल्मको ट्रेलर सार्वजनिक गरिएको हो।
सार्वजनिक ट्रेलरमा एक अशक्त बालक र उनकी आमाबीचको प्रेमलाई प्रस्तुत गरिएको छ। यो फिल्म टम ह्यांक्स स्टारर हलिउड फिल्म 'फरेस्ट गम्प'को रिमेक हो।
अद्वेत चन्दनले निर्देशन गरेको फिल्ममा आमिर र करीनासँगै मोना सिंह र नागा चैतन्यको पनि अभिनय छ। फिल्ममा आमिर खान, किरण राव, ज्योती देशपण्डे र अजित अन्धेरेको लगानी रहेको छ।
सेतुले छायांकन गरेको फिल्मलाई हेमन्ती सरकारले सम्पादन गरेका छन्।
यो फिल्म अगस्ट ११ अर्थात श्रावण २६ गतेदेखि प्रदर्शन हुँदैछ।
