बलिउड अभिनेता रणवीर कपूर र सञ्जय दत्त अभिनित फिल्म ‘शमशेरा’को ट्रेलर सार्वजनिक भएको छ।
आगामी जुलाई २२ मा प्रदर्शन हुने फिल्मलाई ऐतिहासिक कथावस्तुमा निर्माण गरिएको छ।
फिल्ममा सञ्जय भिलेनको भूमिकामा देखिएका छन्। रणवीर र सञ्जयबीच लडाईंलाई सार्वजनिक ट्रेलरमा देखाइएको छ। रणवीरको फिल्ममा दोहोरो भूमिका छ।
फिल्ममा रणवीर र सञ्जयसँगै वाणी कपूर, आशुतोष राणा, सौरभ शुक्ला र रोनित रोयलगायत कलाकारको अभिनय छ।
यो सन् २०२२ को बहुप्रतिक्षित फिल्म मध्ये एक हो। 'शमशेरा' सन् १८०० को डकैत जनजातिको कहानीमा आधारित छ जो आफ्नो अधिकार र स्वतन्त्रताको लागि अंग्रेजसँग लडाइँ गर्छन्।
यशराज ब्यानरको निर्माण भएको ‘शमशेरा’लाई करण मल्होत्राले निर्देशन गरेका हुन्।
यो वर्ष रणवीरको दुई ठूला फिल्म प्रदर्शन हुँदैछ। रणवीर र आलिया भट्ट अभिनित फिल्म ब्रह्मास्त्र यही सेप्टेम्बर ९ मा प्रदर्शन हुँदैछ।
